ذكرى رحيل القائد ابو عمار

هذه القصيدة في ذكرى رحيل الشهيد القائد الرمز ابو عمار
في هذه الذكرى الرابعة لاستشهاد القائد الرمز ابو عمار
قبل محكي واقول لازم كل الي يسمعني يصلي على طه الرسول
انا ورد وياسمين كلنا بنتعطر من هالكوفية شوق وحنين اربينا صغار
الصوت الدافي من بعد يما من رمز الامة ابو عمار
احنا الثورة ارضعناها من صوته افهمناها اصرار ونار
وفي نفس الوقت حب واستقرار كنا كل يوم بنهتف لما بنصحى ولما انام التحية للقائد ابو عمار
اليوم اسمعنا في الاخبار انوا مش عارف قال تعب الختيار قلنا احنا صغار معلش من هم الحصار وبنفس الوقت هتفنا اصمد يا ابو عمار
كرر الخبر وفي كل الكون انتشر اذاعات تلفزيونات كلمات هان وهناك القلب انقبض
مش عارفين الشيطان شاطر وسوس خنس في صدور الناس بس احنا برضوا ما سكتنا صرنا نقول عاش عاش
شدة وبتزول اشتد المرض تصريحات قرارات الرئيس في خطر بدينا نسال ونقول يا جماعة صحيح الخبر ولا مش معقول قالوا صحيح
زاد في قلوبنا الغار قالول لكل الطب تعال برضوا الوفود من كل مكان وفد من سوريا ووفد من عمان
وصوت يقول وين الطبيب الخاص وبعد شوية تصريح صريح الرئيس تعبان حالة تسمم وصار في بعض الغثيان وحرمه المصون انجن جنونه
وبطريقة قانونية سافر لفرنسا يعمل عملية ولما ركب الطيارة كانت صحتوا عال العال قلنا خلص لازم انشفا وارتاح البال قلنا الرئيس انشفا وارتاح البال لما نزل من الطيارة اشتدت الغارة الصحية
وزاد الخوف قمنا اتوضينا وصلينا وبدينا نرفع ادينا وندعيلوا يا رب تعود وامنيتك تتحقق وفي الاقصى تصلي ونجدد معاك العهود
لكن المقدر والمكتوب اقوى من كل الامنيات اخبار سريعة الرئيس في خطر نزيف حاد قرب الميعاد صفائح دموية يعني الضربة قوية
صفارة الانذار والتصريح صريح استشهد ابو الكوفية خبر هزنا من جوا بس اعطانا القوة تنحقق هالوصية قلنا بصوت حزين كلوا حنين ان شاء الله مثواك الجنة يا ابو عمار يا حارس هالقضية
بس هان لازم اوقف كل العبارات وكل الكلام بس عشان متنفهمش انوا بنعترض على حكم الله كلنا ميتين بس كيف ليش لحساب مين تسمم وين الحراسات والاحتياطات الامنية دائرة اولى ودائرة ثانية وحرس خاص ومظاريف مفتوحة هالقوة الموجودة باختصار ابو عمار بشهد وراح
بس هدي الارض مقدسة والمدفون لازم يطلع يا خبر اليوم بمصاري بكرة حيكون ببلاش
الملف الي انتسى لعل وعسى ينتشر ويتاكد الخبر لما احنا اطفال نبث الخبر الصحيح ونقول نام نام يا ابو عمار حيبان الخبر الصحيح
هي احنا جايين وان شاء الله على الجنة رايحين تصبح على خير يا ابو الكوفية تصبح على خير يا رمز القضية تصبح على خير يلي كنت اطهر رئيس في الامة العربية
ما خلص كلامي احكي كلام بيحمل كل المعاني الوحدة الوحدة هيه الهدف وفيها من العدو الخلاص يا فتح يا فتح ويا جبهة ويا جهاد ويا حماس الوحدة هيي الاساس
لا تقلي ابن فتح ولا تقلي ابن حماس كلنا اولاد هالوطن والوطن تاج عالراس مصيبة مصيبة انوا نختلف واقصانا كل يوم بينداس
والي انظنوا اخو اخوة العن من العدو العن من الانجاس انا عضوة بفتح واه اه وفي نفس البيت اخوي عضو بحماس جمعتنا الام والابو جمعتنا ارض وفاس
طب ليش ليش ماننجمع تتعود قدس الاقداس يا ناس دمعي على خدي من حجم حزني على شعبي الي عطاؤه ما بينقاس
نسيوا اني فلسطيني وصاروا يقولوا هادا فتح وهادا حماس
وعلمنا وعلمنا بلش ينتسى ورايات بترتفع ما الها اساس نسيوا الاخضر نسيوا الاحمر نسيوا الابيض والاسود امي عصبت فيه الراس
وقالتلي يما يا امل اكتبي قصيدة وقولي لهالناس الوحدة هيي الهدف وفيها من العدو خلاص
يا فتح يا فتح ويا جبهة ويا جهاد ويا حماس الوحدة هيي الهدف يا فتح ويا حماس